Facebook компанийн эсрэг монополийн эсрэг мөрдөн шалгах ажиллагаа эхлүүлэхийг АНУ-ын Ерөнхий прокурор Уильям Барр Хууль зүйн яамандаа үүрэг болгожээ хэмээн Bloomberg агентлаг эх сурвалжаас аван дамжуулсан байна. Холбооны худалдааны комисс мөрдөн шалгалтаа хэдийнээ эхлүүлжээ. Facebook болон Amazon-ы хооронд гарсан эрх зүйн маргааныг шийдэхээр хариуцаж байсан Холбооны худалдааны комисс, Хууль зүйн яамтай тавдугаар сард гэрээ байгуулсны дараа энэ мөрдөн шалгах ажил эхэлсэн юм. Харин Хууль зүйн яамны монополийн эсрэг салбар Google Alphabet Apple-ийн хоорондох маргаан дээр ажиллаж байсан юм. 

Хууль зүйн яам Facebook-ийн асуудлыг бүр долдугаар сарын эцсээр сонирхож технологийн томоохон платформд нь мониторинг хийхээ мэдэгдэж байсан юм. Одоогоор Холбооны худалдааны комисс ч, Facebook ч ямар нэг тайлбар өгөхөөс татгалзаж байгаа юм байна. Өнгөрсөн зун АНУ-ын Конгресс өндөр технологийн Amazon, Apple, Facebook болон Google компаниудын зах зээл дээрх нөлөөлөл өсч байгаа талаар сонсгол авч хэлэлцсэн юм.