Нутаг дэвсгэрт нь хууль бусаар байрлаж байгаа гадаад орнуудын бүхий л цэргийг Сирийн нутгаас гарч явахыг тус улсын Гадаад хэргийн сайд Валид Муаллем шаардсан байна. “АНУ, Турк улс манай умард нутагт цэргээ хууль бусаар байрлуулж байлдааны ажиллагаа явуулсаар байна. Тэд Сирийн умард нутагт аюулгүйн бүс байгуулна, хэлэлцээр хийнэ хэмээн худал ярьж төөрөлдсөөр байна” гэж Сирийн Гадаад хэргийн сайд НҮБ-ын Ерөнхий Ассамблейн чуулганы индэр дээрээс мэдэгдсэн байна. 

Түүнийхээр бол эдгээр үйлдэл олон улсын эрх зүй болон НҮБ-ын дүрмийг зөрчиж байгаа хэрэг. Гадаад орнуудын цэрэг Сирийг орхин гарахгүй бол Дамаск эрхийнхээ дагуу “Олон улсын эрх зүйн хүрээнд ямар ч арга хэмжээ авахад бэлэн” байгаа гэж сайд онцлон тэмдэглэжээ. Сирийн Засгийн газрын зөвшөөрөлгүйгээр, булаан эзлэгч хэлбэрээр манай улсын нутаг дэвсгэрт орж ирээд байгаа гадаадын бүхий л хүчин манай улсын нутаг дэвсгэрээс тун яаралтай гарах ёстой гэж Сирийн Гадаад хэргийн сайд мэдэгджээ.

Үүний өмнө Муаллем нэг удаа алан хядагчид Идлибт сиричүүдийг зүгээр л амьд бамбай болгон ашиглаж байна гэж мэдэгдэж байсан юм.