Орост судалгаа шинжилгээний ажил хийдэг эрдэмтэд, ажилтны тоо сүүлийн найман жилд 7.3 хувиар буурлаа хэмээн Эдийн засгийн дээд сургуулийн Үндэсний судалгааны хүрээлэн мэдээлсэн байна. “Оросын шинжлэх ухааны салбарт ажилладаг эрдэмтдийн тоо 2018 онд нийтдээ 682.5 мянга байгаа нь 2017 онтой харьцуулахад 3.6, харин 2010 онтой харьцуулбал 7.3 хувиар буурсан” хэмээн мэдээлэлд дурдсан байна. Ийм хорогдол салбарын бүхий л түвшинд гарч байгаа гэнэ. Тухайлбал, эрдэм шинжилгээний туслах ажилтны тоо 2017 онтой харьцуулахад 2018 онд 5.7 хувь буурсан бол 2010 оныхоос 12.6 хувь буурсан байна. Судалгаанаас үзэхэд энэ нь цалин хөлс бага, мэргэжлийн зүгээс тавих шаардлага өндөрссөнтэй холбоотой гэжээ. Шинжлэх ухааны дэд доктор, доктор цолтой судлаач эрдэмтдийн тоо ч 2016 онд 2.8 хувь буурсан бол 2017 онд 4.7, 2018 онд 2.9 хувь буурсан дүн гарчээ. 2010-2018 онд нийтдээ 105.1 хувиар буюу 100.3 мянган хүнээр хорогдсон байна. Харин энэ хугацаанд залуу эрдэмтдийн тоо өсч байгаа дүн гарчээ. 2010-2018 онд 30-39 настай эрдэмтдийн тоо 1.5 дахин өсч, нийт эрдэм шинжилгээний ажилтны дотор эзлэх хувь нь 16.2 байсан бол одоогоор 26.5 хувь болжээ.