АНУ-ын Тэнгисийн цэргийн хүчний нисэх онгоц тээгч атомын “Рональд Рейган” хөлөг Өмнөд Хятадын тэнгист Хятадын хөлөг онгоцнуудад бүслэгдээд байна хэмээн Sohu сайт мэдээлжээ. Америкийн нисэх онгоц тээгч хөлөг Филиппиний нийслэл Манила руу хөдөллөө гэсэн байна. Гэтэл есдүгээр сарын 29-нд АНУ-ын Тэнгисийн цэргийн хүчний долдугаар флотын хэвлэлийн нарийн бичгийн дарга Реанн Моммсен хөлөг онгоцны байгаа газар хэмээн The Japan Times хэвлэлийн мэдээлснийг батлахаас татгалзжээ. Хэвлэлд мэдээлэл өгөгчийн хэлснээр бол “Рональд Рейган” хөлгийн явсан, ямар нэгэн тодорхой үүрэг өдөр тутмын даалгавраа гүйцэтгэж чадахгүй байгаа гэнэ. Хиймэл дагуулаас авсан зургийг хэвлэлд нийтэлснээс үзэхэд нисэх онгоц тээгч далайд ганцаар байгаа ч эргэн тойронд нь хятадын цэргийн таван хөлөг харагдаж байна.

“Олон нийтийн сүлжээнд тавьсан хиймэл дагуулын зургийг харахад “USS Ronald Reagan”-ы эргэн тойронд үл мэдэгдэх цэргийн хөлөг, магадгүй Америкийн юм уу, Хятадын хөлгүүдтэйгээр маргаантай Спратли ардлын зүг есдүгээр сарын 28-ны бямба гарагт явж байна” гэж хэвлэлд бичжээ.

Харин Хятадын Үндэсний батлах хамгаалах яамны хэвлэлийн нарийн бичгийн дарга Рен Гоцяны хэлснийг The Japan Times хэвлэл эш татсаныг үзэхэд БНХАУ-ын цэргийнхэн өөрийн газар нутаг, бүрэн эрхт болон аюулгүй байдлаа хамгаалах үүргээ л биелүүлж байгаа гэсэн байна. Нисэх онгоц тээгч хөлөг Өмнөд Хятадын тэнгисийг зорьж байна хэмээн АР агентлаг наймдугаар сарын 6-нд мэдээлсэн. Тэнгисийн цэргийн хөлгөө ийш илгээснээр бүс нутгийн аюулгүй байдлыг хангах үүргээ биелүүлж байгаа хэрэг хэмээн АНУ-ын цэргийнхэн баталж байгаа юм. Бээжинтэй хамтран маргаантай арлуудын бүсэд эдийн засгийн хамтын ажиллагаа эхлэхэд бэлэн байна гэж Филиппиний Ерөнхийлөгч Родриго Дутерте мэдэгдсэний дараагаар АНУ ийм арга хэмжээ авсан юм.

Өмнөд Хятадын тэнгис дэх Парасельсийн арлуудын эргэн тойрон, Спратли арал зэргийг Хятад, Бруней, Вьетнам, Малайз, Филиппин улсууд өөрийнх хэмээн маргалдаг юм.