Их Британи улс Орос болон бусад орны зүгээс явуулж байгаа кибер дайралтын улмаас байнгын дайны нөхцөлд байна гэж тус улсын Батлан хамгаалах штабын дарга Николас Картер “Daily Telegraph” сонинд ярилцлага өгөхдөө мэдэгдсэн байна. “Байлдааны ажиллагаа өөрчлөгдөн, энх тайван, дайн хоёрын зааг ялгаа байхгүй болжээ. Бүхий л зүйл том гүрнүүдийн төрийн бус бүтцийн зүгээс бидэнд өдөр бүр аюул заналхийлж байна” гэж Н.Картер хэлснийг хэвлэл эш татсан байна. Генералынхаар бол өнөөдөр гол аюул занал нь Орос, Хятадын зүгээс мэдээллийн орон зайгаар дамжин ирж байна гэнэ. Генерал бас яриандаа өөрийн сөргөлдөгчдийн энэ үйлдлийг Британи зүгээр өнгөрөөхгүй гэснийг Daily Telegraph бас мэдээлжээ. Ингэж кибер халдлага үйлдэж байна гэснийг Орос, Хятад нэг бус удаа няцааж байгаа юм.