Өнгөрөгч долоо хоногийн пүрэв гарагт 86 насандаа өөд болсон Францын Ерөнхийлөгч агсан Жак Ширактай салах ёслол Парист даваа гарагт болсон байна. Өглөөгүүр Хөгжлийн бэрхшээлтэй иргэдийн сүмд 200 орчим хүн цуларч ёслол эхлэхэд Ерөнхийлөгч агсны бэлэвсэн эхнэр Бернадетт Ширак байлцсан байна. Le Figaro хэвлэлд бичсэнээр бол тэрээр эрүүл мэндийн байдлаас болж Сен-Сюльпис сүмд болох албан ёсны салах ёслолд оролцож чадаагүй юм байна.

Экс-ерөнхийлөгчтэй салах ёс хийхээр Францын Ерөнхийлөгч Эммануэль Макрон, түүний өмнө Ерөнхийлөгч асан хүмүүс, дэлхийн улс орнуудын 80 орчим тэргүүн хүрэлцэн очсон байна. Энд Жак Ширакийн үед Германы канцлер байсан Герхард Шредер ирж чадаагүй аж. Хэвлэлүүдэд бичсэнээр бол тэр өөрөө салах ёслоллд ирэхийг хүсч байсан ч сүмд суудал хүрэлцэхгүйгээс түүнийг ирүүлээгүй гэсэн байна.

Жак Ширакын дурсгалыг хүндэтгэж энэ зун шатсан Парисын дар эхийн сүмийн хонхыг түймэрт өртсөнөөс нь хойш анх удаагаа үд дунд цохиж дуугаргажээ. Францын далбаагаар бүтээсэн авсыг Сен-Сюльпис сүмээс гаргахад тэнд цугларсан иргэд алга ташин угтсан байна. Экс-ерөнхийлөгчтэй ард иргэдийн салах ёслол Парисын хөгжлийн бэрхшээлтэй иргэдийн сүмд болж хэдэн мянган хүн хүрэлцэн ирж тэдний дараалал нэг км орчим үргэлжилсэн байна. Францын иргэд экс ерөнхийлөгчийг ихэд хүндэтгэн үдсэн гэж түүний охин Клод ярьжээ. Жак Ширакийг Монпарнасын оршуулгын газарт 2016 онд нас нөгчсөн охин Лорансын дэргэд нутаглуулахад зөвхөн төрөл төрөгсөд, ойр дотныхон нь байлцжээ.

Жак Ширак 1995-2007 онд Францын Ерөнхийлөгч байсны зэрэгцээ 18 жилийн турш Парис хотын даргаар ажилласан юм байна.