Төлөөлөгчдийн танхимаас эхлүүлж байгаа өөрийг нь эгүүлэн татах гэсэн үйл явц нь төрийн эргэлт гэж АНУ-ын Ерөнхийлөгч Дональд Трамп нэрлэжээ. “Энэ үйл явц бол эгүүлэн татах гэсэн биш харин төрийн эргэлт гэсэн дүгнэлтэд би хүрлээ” гэж Дональд Трамп Twitter-тээ бичжээ.

Түүнийхээр бол энэ бүхнийг америкийн иргэдийн дуу хоолой, эрх чөлөө, шашин шүтэх эрхийг хаах, арми, АНУ-ын иргэдийн эрх чөлөөнд хязгаарлалтын хана босгохын тулд хийж байгаа гэнэ. Үүний өмнө Д.Трамп бас Ардчилсан намын эгүүлэн татах энэ үйл ажиллагаа нь “маш том хууран мэхлэлт” гэсэн юм.
Төлөөлөгчийн танхимын парга, ардчилагч Нэнси Пелоси есдүгээр сарын 25-нд Ерөнхийлөгч Дональд Трампыг эгүүлэн татах ажиллагаа эхлүүлж байгааг зарлаад байнгын зургаан хороонд ерөнхийлөгчийн үйл ажиллагааг мөрдөн шалгах үүрэг өгсөн юм.

Энэ бүхэн Дональд Трампын Украины Ерөнхийлөгч Владимир Зеленскийтэй утсаар ярьсантай холбоотой. Энэ ярианы үеэр Дональд Трамп 2020 оны сонгуулийн өөрийн гол өрсөлдөгч Жо Байден, түүний хүү Хантерийн украины хийн Burisma Holdings компанитай холбоотой асуудлаар мөрдөн шалгахыг Зеленскийгээс хүссэн хэмээн хэвлэлүүд мэдээлсэн юм. WSJ үүнийг нь америкийн тэргүүн Украины ерөнхийлөгчид дарамт шахалт үзүүлсэн гэж нэрлэжээ.