Саудын Арабын нефтийн байгууламжид довтолсон гэсэн нь ямар ч нотолгоо баримтгүй буруутгал гэж ОХУ-ын Ерөнхийлөгч Владимир Путин хэлсэн үгэндээ онцолсон байна. “Саудын Арабын нефтийн байгууламж руу халдсан дайралтын тухайд та юу бодож байна” гэсэн асуултад В.Путин “Бид энэ асуудлыг ярилцаж байгаа. Гэхдээ бид Ираныг энэ хэрэгт буруутгаж байгаагийн эсрэг байна. Энд Ираныг буруутгах ямар ч нотлох баримт байхгүй байна” гэж хариулжээ. 

Харин энэ үйл явдлаас болоод Саудын Арабт асар их хохирол учирч, зах зээл дээр асар их савлагаа үүссэн гэдгийг В.Путин тэмдэглэв. Гэхдээ долоо хоногийн хугацаанд бүхий л зүйл сэргэж хэвэндээ орж өнөөдөр дэлхийн зах зээл дээр баррель нефтийн үнэ 60 доллароос доош орсон гэдгийг бас онцолжээ. “Энэ сэдвээр өчигдөр бид Ираны Ерөнхийлөгч Хасан Роуханитай ярилцсан. Тэр хэдийгээр зарим орнууд ямар ч үндэслэлгүйгээр, олон улсын мөрдөн шалгах ажиллагаагаар нотлогдоогүй байхад биднийг буруутган янз бүрээр үзэж байгаа ч гэсэн энэ үйл явдлын төлөө Иран ямар нэгэн хариуцлага үүрэхгүй гэсэн байр суурьтай байна” гэж ОХУ-ын Ерөнхийлөгч Владимир Путин хэлжээ.