Дэлхийн хоёрдугаар дайны үед ашиглаж байсан бөмбөгдөгч В-17 онгоц Америкийн Коннектикут мужийн олон улсын “Брэдли” нисэх буудалд унасны улмаас долоон хүн амь үрэгдлээ хэмээн телевизийн WTIC-TV суваг эх сурвалжаас аван дамжуулжээ. Үүний өмнө амь үрэгдсэн хүний тоог хоёр гэж мэдээлж байсан юм байна. Ослын үеэр өөр бас долоон хүн бэртэж гэмтсэн байна. Эрх баригчдын мэдээлж байгаагаар онгоцонд гэмтэл байгааг мэдмэгцээ нисгэгчид нисэх буудал эргэн газардахыг оролдсон ч буух үедээ шингэн түлш агуулсан ангар мөргөснөөс осол гарчээ. Дайны үеийн энэ хуучин онгоц цэргийн өөр дөрвөн онгоцтой хамт “Эрх чөлөөний далавч” нэртэй үзэсгэлэнгийн үеэр үзүүлэх нислэг үйлдэх ёстой байсан юм байна.