Энэ сарын 2-нд БНАСАУ усан доогуур шумбагчаас баллистик пуужин хөөргөж амжилттай туршлаа гэж Солонгосын мэдээллийн төв агентлаг мэдээлсэн байна. “БНАСАУ-ын Үндэсний батлан хамгаалахын академи аравдугаар сарын 2-ны үдээс өмнө Дорнод Солонгосын тэнгисийн Вонсаны булан орчмоос шинэ төрлийн “Букгыксон-3” баллистик пуужинг усан доогуур шумбагчаас амжилттай хөөргөж туршлаа” гэж энэ мэдээлэлд дурджээ. Мөн пуужинг огоцом өнцгөөр хөөргөсөн гэж энд бичсэн байна. Пуужин амжилттай хөөрч “Ойр орчмын улс орны аюулгүй байдалд ямар ч сөрөг нөлөө үзүүлээгүй” гэж мэдээллийн агентлаг онцолсон байна.

Туршилтыг амжилттай явуулсан хүмүүст БНАСАУ-ын удирдагч Ким Чен Ун баяр хүргэснийг агентлаг бас онцлон дурджээ. БНАСАУ-ын усан доогуур шумбагчаас хөөргөж туршсан энэ шинэ пуужин Пеньянд гадны хүчнээс үзүүлж мэдэх аюулыг хаах үр ашигтай хэрэгсэл болно гэж үзэж байгаа юм байна хэмээн Оросын regnum.ru агентлаг дамжуулсан байна.