Энэтхэг, Пакистан хоёр улс Кашмирын асуудлаас болж цөмийн дайн хийвэл ямар үр дагаварт хүрч болохыг эрдэмтэд тооцоолж гаргасан судалгаагаа Science Advances сэтгүүлд нийтэлсэн байна. Тэдний үзэж байгаагаар бол сөргөлдөөн улам даамжирч 2025 он гэхэд Энэтхэг, Пакистан хоёр улс хэдэн зуун килотонн хүртэл хүчин чадалтай 400-500 нэгж цөмийн зэвсэг хэрэглэж магадгүй гэнэ.

Хэрэв Энэтхэг хотуудад цохилт өгөх гэж стратегийн 100 пуужин харвавал Пакистан 150 пуужин хэрэглэнэ, энэ тохиолдолд 50-125 сая хүн амь үрэгдэх гэнэ. Судалгаагаар цөмийн цохилтын дараа дэгдэх түймрийн улмаас 16-36 тераграмм нүүрс хүчлийн хий ялгарах юм байна. Түймрийн утаа агаар мандлын дээд давхаргад гарч хэдэн долоо хоногийн хугацаанд дэлхий даяар тархсанаар манай дэлхийд тусах нарны гэрэл 20-35 хувь буурч, агаарын температур 2-5 градус буурч, хур тунадасны хэмжээ 15-30 хувь хорогдох юм байна.

Энэ бүхэн сэргэж хэвийн байдалдаа ортол дахиад арав гаруй жил шаардана гэж эрдэмтэд онцолжээ. Өнөөдрийн олон улсын нөхцөл байдал цөмийн дайны ирмэгт тулж ирээд байна гэж ОХУ-ын Гадаад хэргийн дэд сайд Сергей Рябков үүний өмнө мэдэгдэж байсан юм.