Солонгосын хойгийг цөмийн зэвсэггүй болгох асуудлаарх Умард Солонгос, АНУ-ын хэлэлцээр тасалдсаны хариуцлагыг АНУ хүлээж, цаашдын хувь заяа нь Америкийн талаас шалтгаална гэж БНАСАУ-ын гол хэлэлцээрч Ким Мён Гиль мэдэгдсэн байна. Стокгольмд болсон уулзалтын дараа АНУ-ын санал болгосончлон цөмийн талаарх хэлэлцээр хоёр долоо хоногийн дараа сэргэнэ гэдэгт эргэлзэж байгаагаа тэр онцолжээ. “Хэлэлцээр дараа үргэлжлэх эсэх нь АНУ-аас шалтгаална. Үргэлжлэх эсэхийг нь АНУ-гаас л асуу. Хэрэв АНУ ямар нэг алхам хийхгүй, бэлтгэхгүй юм бол ямар ч аймшигтай үйлдэл болохыг хэн мэдлээ. Хүлээж л байя, харж л байя” гэж Ким Мён Гиль АНУ-тай хийж байсан хэлэлцээрээс буцаж явахдаа Бээжингийн нисэх буудалд сэтгүүлчдэд мэдэгдсэнээс Интерфакс агентлаг эш татсан байна. Тэр бас ийм богино хугацаанд Вашингтоны зүгээс Умард Солонгост ямар нэг шинэ санал дэвшүүлж чадахгүй л болов уу гэсэн байна. 

Солонгосын хойгийг цөмийн зэвсэггүй болгох асуудлаарх БНАСАУ, АНУ-ын Стокгольмд болж байсан хэлэлцээр өнгөрөгч бямба гарагт амжилтгүй болж Умард Солонгосын төлөөлөгчид уулзалтыг албан ёсоор хаалгүйгээр орхин гарсан юм. БНАСАУ-ын Гадаад хэргийн яам энэ талаар Вашингтоны төлөөлөгчид өмнөх байр сууриа л давтсан учраас гэж тайлбарласан байна.