Дани улс 2030 он гэхэд дотоод шаталтын хөдөлгүүр бүхий автомашин худалдаалахыг хориглоно гэснийг eadaily.com сайт мэдээлжээ. “А төлөвлөгөөгөөр бол ийм хөдөлгүүрийг нийт Европ даяар хориглохыг зорьж байгаа юм” хэмээн Данийн хүрээлэн байгаа байгаль орчныг хамгаалахын сайд Дэн Йоргенсен мэдэгдсэн байна. Ийм байдлаар тус улсын Засгийн газар 2050 он гэхэд Европыг хамгийн цэвэр уур амьсгалтай тив болгох гэсэн нийт Европын стратегид нэгдэж байгаа юм байна. Данийн Засгийн газар цахилгаан автомашин эзэмшигчдэд үзүүлдэг хөнгөлөлтөө өөрчилснөөс 2017 онд тус улсад ийм автомашины борлуулалт эрс буурсан юм. Өнөөдөртөө цахилгаан эрчим хүчийг нүүрс, байгалийн хийгээр ажилладаг дулааны цахилгаан станцуудаар үйлдвэрлэж байгаа болохоор цахилгаан автомашин нь агаар мандалд нүүрс хүчлийн хий ялгаруулдаг хэмжээг бууруулж чадахгүй гэж шинжээчид тэмдэглэж байна.
2018 оны намар Испани бензин, дизель түлшээр ажилладаг машинаас бүрэн татгалзана гэж мэдэгдээд, 2050 он гэхэд хэрэглэгчдийг цахилгаан автомашинаар бүрэн хангана гэсэн юм.