Америкийн “We Are The Mighty” хэвлэл мэдээллийн Global Firepower сайтын эх сурвалжаас аван Оросын байлдааны хуягт машины тоо Умард Атлантын цэргийн эвсэл НАТО-гийнхоос илүү байгааг харьцуулан гаргасан байна. Энэ мэдээлэлд ОХУ-ын армид 22 мянган танк байгаа гэсэн бол НАТО-гийн хэмжээгээр нийтдээ 11 мянга арай илүү ийм машин байна гэжээ. Энэ тоон дээр АНУ, Канадынхыг оролцуулбал ердөө 18 мянга хүрэх юм. Харин Турк улс 3.2 мянган нэгж хуягт техниктэй юм байна.
Nation News хэвлэл бас Хятадын сэтгүүлчид “Армат”, “Абрамс” танкийг харьцуулан бичсэн гэж мэдээлжээ. Sina хэвлэлд бичсэнээр бол “М1 Abrams” танкны хуягийг бодвол “Армат”-ынх арай хөнгөн, гэхдээ хамгаалах чадвараараа адил гэсэн байна. Үүний гол шалтгаан нь Оросын танк үйлдвэрлэгчид “Армат”-д 44С-св-Ш маркийн ган ашигласнаар хуягийн зузааныг 15 хувь багасгаснаар хамгаалах чадвар нь хэвээр ч гэсэн танкны жинг хэдэн зуун кг-аар бууруулж чадсан гэжээ.