Нью-Йоркийн их сургуулийн судлаачид электрон тамхины талаар хийсэн туршилтынхаа дүнд ийм тамхи хулганын уушгинд хорт хавдар үүсгэж байгааг олж тогтоосон байна. Үүнээс үүдээд эрдэмтэд цахилгаан тамхи нь хүний эрүүл мэндэд асар их хор хөнөөлтэй гэж үзэж байна гэснийг CNBC хэвлэл дамжуулжээ. Хэрэв та электрон тамхи татдаг бол бүхий л төрлийн өвчинд нэрвэгдэж мэдэх нь гэж энэ судалгааны гол шинжээч Мун-Шонг Тан мэдэгдсэн байна. 

Эрдэмтэд судалгааныхаа явцад электрон тамхи нь уушги, давсагны ДНК-д гэмтэл учруулж байгааг олж илрүүлсэн байна. Тэдний 54 долоо хоногийн туршид өдөрт хоёр удаа электрон тамхи “татуулж” туршилт хийсэн 40 хулганы 22,5 хувь нь уушгины хавдартай болсон бол 57,5 хувь нь давсагны хорт хавдрын өмнөх шинжтэй болсон гэнэ. Үүнээс гадна яг ингэж электрон тамхи татаж байсан 20 хулганаас нэг нь ч дөрвөн жилийн хугацаанд хордоогүй гэж гараагүй байна. Үүнээс үндэслээд шинжээчид электрон тамхи татаж байгаа хүний дэргэд байгаа хүмүүс ч ялгаагүй энэ хоронд өртөнө гэсэн дүгнэлт хийжээ.
Энэ бүхэн хэрэглээнд нэвтрээд харьцангуй залуу байгаа электрон тамхины талаарх судалгааг улам эрчимжүүлэх шаардлагатай байгааг харуулж байна гэж эрдэмтэд хэлж байна. Магадгүй ийм судалгаа хамгийн багадаа арван жил болж болох ч эцсийн дүн нь ийм тамхи хүний эрүүл мэндэд хортой л гэж гарах байх гэжээ.