Манай гараг дээр нийтдээ 2.2 тэрбум хүн холын болон ойрын харааны бэрхшээлтэй, нэг хэсэг нь бүр харах чадваргүй байна гэж Дэлхийн эрүүл мэндийн байгууллага мэдээлсэн байна. Эднээс хамгийн багаар бодоход нэг тэрбум нь урьдчилан сэргийлж, эмчилгээ хийлгээгүйгээсээ болоод харааны бэрхшээлтэй болсон гэж дурдсан байна. 

“Эдгээрийн 65 сая нь сохор, нүдний болохын гэмтэл байгаа нь энгийн мэс заслаар засч болохоор байна. 800 сая хүн муу хараатай ч нүдний шил худалдан авах боломжгүй байна гэжээ. Тэгэхээр ийм хүмүүст хараагаа эмчлүүлэх боломж олгох хэрэгтэй байна” гэж Дэлхийн эрүүл мэндийн байгууллагын Ерөнхий захирал Тедрос Адханом Гебрейесус мэдэгджээ.

Хөдөөгийн районд хүмүүсийн хараа илүүтэй муудаж, ялангуяа ядуу, хөгжлийн бэрхшээлтэй, ахимаг хүмүүс, эмэгтэйчүүд, уугуул иргэд, угсаатны цөөнхийн дунд харааны бэрхшээл илүү тохиолдож байна гэсэн байна.

Харааны бэрхшээлтэй нэг тэрбум хүнд туслахын тулд Дэлхийн эрүүл мэндийн байгууллага донор орнуудад 14.3 тэрбум ам.доллар хуваарилахаар төлөвлөж байгаа юм байна.