Вашингтон тус байгууллагад төлдөг татвараа төлөхгүй байгаа нь НҮБ-ын ажлыг тасалдуулах гэсэн оролдлого хэмээн ОХУ-ын Гадаад хэргийн яам мэдэгдсэнээ албан ёсны сайтдаа нийтэлжээ. “НҮД-д татвараа төлдөггүй гол улс бол сүүлийн үед АНУ болж байна гэдгийг тэмдэглэх хэрэгтэй. Тэднийхээс НҮБ-д төлөх татвар хэдийнэ нэг тэрбум ам.доллар даваад байна. Вашингтоны энэ үйлдэл нь өнгөн дээрээ бол НҮБ-ын ажлыг тасалдуулах, цаанаа төлөөлөгчдөд америкийн виз олгохгүйгээр санхүүгийн хөшүүрэг бодлогоо илэрч байна” гэж Гадаад хэргийн яамны мэдээлэлд дурдсан байна. 

Өнөөдрийн байдлаар НҮБ-д татвараа төлөөгүй 50 улс байгаа юм байна. Үүнээс болоод ирэх арваннэгдүгээр сараас эхлээд тус байгууллага санхүүгийн хүндрэлд орж, ажилтнууддаа цалин өгч чадахгүйд хүрч мэдэх гэнэ. НҮБ ч хатуу эдийн засгийн арга хэмжээ авч барилгынхаа тоог хязгаарлан, эрчим хүч, агааржуулалт, хамгаалалтынхаа зардлыг танаж байгаа гэнэ. Харин ОХУ гишүүнийхээ татварыг цаг хугацаанд нь төлдөг гэж энд өгүүлсэн байна.