Крымыг Орост нэгтгэсэн талаарх өөрийн байр сууриа Германы Христийн ардчилсан холбооны тэргүүн Аннегрет Крамп-Карренбауэр Саарбрюкенед болсон Залуучуудын холбооны чуулган дээр мэдэгдсэн байна. Москватай сайн хөршийн харилцаатай байхыг Берлин эрмэлзэж байна гэж Крамп-Карренбауэр яриад ганцхан Крымын хойгийг Орост эргүүлэн нэгтгэсэн нь өөрийнх нь үзэж байгаагаар бол олон улсын хэм хэмжээг зөрчсөн үйлдэл гэжээ. “Герман энэ талаар зүгээр л таг чиг байж чадахгүй. Зөрчил бол зөрчил, бид үүнийг ингэж нэрлэх ёстой” гэж тэр мэдэгдсэн байна. 

Украинд болж байгаа үйл явдал, Крымыг тойрсон асуудал, бүх нийтийн санал асуулгаар энэ хойгийг Орост нэгтгэсэн явдлаас болоод барууны орнууд, оросын харилцаа муудаад байгаа. Барууны орнууд Москваг гадаад улсын дотоод хэрэгт оролцсон хэмээн буруутган Оросын эсрэг хориг тавиад байгаа бол ОХУ хариуд нь мөн ийм хориг тавиад, баруунаас орж ирдэг импортыг орлох арга хэмжээ авч байгаа юм. Сүүлийн үед Европын холбоо Оросын эсрэг тавсан хоригийг өөрчлөх санал гаргаж энэ хязгаарлалтаас болон европын орнуудын эдийн засагт хохирол учирч байна гэж уриалж байна.