ОХУ-ын Ерөнхийлөгч 2007 оноос хойш анх удаа Саудын Арабт ажлын айлчлал хийх үеэрээ нефть үйлдвэрлэгчдийн хамтран ажиллах харти болон өөр 20 хэлэлцээр, баримт бичиг үйлдсэн байна. Оросын Ерөнхийлөгч Саудын Арабын хаантай уулзсанаас гадна морин уралдаан, нутгийн хөгжимчдийн Оросын төрийн дуулал тоглохыг үзэж, хааны ордонд тансаг зоог барьсан байна. 

Хэлэлцээрийн дараа Владимир Путин Саудын Арабыг Ойрхи Дорнод болон Хойд Африкт аюулгүй байдлыг хангах чухал элемент гэж Орос үздэг гэж тэмдэглэжээ. “Танай орны оролцоогүйгээр бүс нутгийн бэрхшээлт асуудлыг шударгаар, удаан хугацаагаар тогворжуулах аргагүй юм” гэж Оросын тэргүүн онцлов. Уулзалтын үр дүнд хоёр тал эдийн засаг, эрчим хүчний салбар, визийн салбарт тодорхой хөнгөлөлт үзүүлэх талаар тохиролцож гарын үсэг зурсан байна.