Европын холбооны дипломатын тэргүүн Федерика Могерини Украины Гадаад хэргийн сайд Вадим Пристайкотай хэлэлцээр хийсний дүнд Донбассын сөргөлдөөнийг зохицуулах талаарх Киевийн саналыг тайлбарласан байна. “Бид түүнээс нэлээд дэлгэрэнгүй, хангалттай мэдээлэл авлаа. Тэгээд ч би тэр төлөвлөгөөнөөс нь Засгийн газар, засаг захиргаанд шинэчлэл хийх, ялангуяа Украины дорнод нутагт болж байгаа сөргөлдөөнийг хэрхэн зохицуулах талаар сайхан дүр зураг олж харж байна гэсэн” хэмээн тэр сэтгүүлчдэд мэдээлжээ. Украины төлөвлөгөөний талаар Могерини хатагтай дэлгэрэнгүй тайлбарласангүй. 

Харин Украины Гадаад хэргийн сайд В.Пристайко сэтгүүлчдэд Европ нь Оросын эсрэг хоригийг чангатгах ёстой гэжээ. “Хориг нь Европын холбооноос ОХУ-ын эсрэг авч байгаа арга хэмжээ. Хориг хэдий л чанга байвал Украин, Европын холбоо нэгдмэл гэдгийг ОХУ илүү сайн ойлгоно” гэж Украины Гадаад хэргийн сайд Европоос Орост үзүүлэх дарамт шахалтын талаарх асуултад хариулжээ.