Туркийн Ерөнхийлөгч Режеп Тайип Эрдоган ОХУ-ын төрийн тэргүүн Владимир Путинтай утсаар ярьж Сирид явуулж байгаа байлдааны ажиллагаа, үүний улмаас тус улсын эсрэг тавьсан хоригийн талаар ярилцсан байна. В.Путин ярианыхаа үед Туркийн ерөнхийлөгчийг Орост урьж эдгээр асуудлыг ярилцъя гэснийг Р.Эрдоган хүлээн авчээ. Хоёр орны ерөнхийлөгч Туркийн болон Сирийн цэргийнхний хооронд мөргөлдөөн үүсгэхгүй байх нь чухал гээд Сирийн нутаг дэвсгэрийн бүрэн бүтэн байдлыг хадгалах нь зүйтэй гэцгээжээ. В.Путин, Р.Эрдоган хоёр энэ аравдугаар сарын сүүлчээр Үндсэн хуулийн хороог хуралдуулахад туслах хэрэгтэй гэснийг Кремлийн хэвлэлийн алба тэмдэглэсэн байна. “Курдуудийн хамгаалалтад байдаг “Лалын улс” зэвсэгт бүлэглэлийн олзлогдогсдод боломж олгож болохгүй” гэж В.Путин мэдэгджээ. Туркийн Ерөнхийлөгч Режеп Тайип Эрдоган “Энхтайвны эх булаг” ажиллагаанаас болоод Туркийн эсрэг Америкийн тавьсан хоригт Анкара нэг их сэтгэл зовохгүй байна” гэж мэдэгдсэн байна.