Украины зүүн нутагт өөрсдийгөө тунхаглаад байгаа Донецийн болон Луганскийн бүгд найрамдах улсыг татан буулгасны дараа л Киев Минскийн хэлэлцээрээр хүлээсэн улс төрийн үүргээ биелүүлнэ хэмээн гурван талт холбоо барих бүлгийн Украины талын төлөөлөгч Леонид Кучмагийн хэвлэлийн төлөөлөгч Дарья Олифер Facebook-тээ бичжээ.

Түүнийхээр бол Донбасс дахь цэргээ татаж долоон өдрийн гал зогсоох хэлэлцээрийг босогчид биелүүлэхгүй, харин ч бүр Донецк, Луганскийн бүгд найрамдах улс тэргүүн шугаманд хүнд зэвсэглэл, танк, миномет байрлуулан Минскийн хэлэлцээрийг зөрчиж байгаа гэнэ. “Донецкийн болон Луганскийн бүгд найрамдах улсын бүхий нутаг дэвсгэрт болон орос украины хил орчим дахь украины хяналтад байдаггүй нутагт Европын аюулгүй байдал, хамтын ажиллагааны байгууллагын тусгай хяналтын бүлэг оруулах нь тулгамдсан асуудал болж байна” гэж Д.Олифер хэлсэн байна.

Хүлээн зөвшөөрөгдөөгүй бүгд найрамдах улсуудыг тараахаас гадна Киев байлдааны галыг бүрэн зогсоож, Европын аюулгүй байдал, хамтын ажиллагааны байгууллагад хил дээр нэвтрэх эрх олгож, хяналтгүй мужуудад Украины сонгуулийн төв хороо, улс төрийн намууд ажиллах боломж олгох, “Украины нутаг дэвсгэрээс гадаадын цэргүүд, цэргийн техникийг гаргах”-ыг Киев шаардаж байгаа юм. Донецкийн болон Луганскийн бүгд найрамдах улсуудыг Москвад захирагдаж байгаа гэж Киев үздэг юм.

Аравдугаар сарын 15-нд Минск дэх гурван талт холбоо барих бүлгийн хэлэлцээр тасалдсан юм. Талууд Петровское, Золотое суурингуудын районоос цэргээ татах шинэ графикийн талаар тохиролцож чадаагүй юм байна. Үүнээс гадна Киев олзлогдогсдыг солилцох асуудлыг хэлэлцэхээс татгалзжээ.

Цэргээ татаж долоо хоногийн гал зогсоох тухай ямар ч тохиролцоо хийгээгүй хэмээн Донецкийн бүгд найрамдах улс мэдэгдсэн байна. Донбасст нөхцөл байдал улам муудаж байгаа гэж Европын аюулгүй байдал хамтын ажиллагааны байгууллага тэмдэглээд Украин даяар өрнөөд байгаа “Штайнмайерын формул” эсэргүүцлийн хөдөлгөөнийг ч өөрчлөх аргагүй гэсэн байна.

Киевийн шаардлагын талаар Орос хариу тайлбар өглөө

Минскийн хэлэлцээрийг биелүүлэхийн тулд Донецкийн болон Луганскийн бүгд найрамдах улсыг татан буулгах тухай Киевийн шаардлагад Оросын сенатчид хариу тайлбар өгсөн байна. ОХУ-ын Холбооны зөвлөлийн гишүүн Сергей Цеков RT хэвлэлд, Франц Клинцевич Regnum-д ярилцлага өгөхдөө энэ талаар ярьжээ. Киевийн шаардлагыг Крымээс сонгогдсон сенатч С.Цеков “үнэхээр хачин” мэдэгдэл гэж нэрлэсэн байна. “Тэд Минскийн хэлэлцээрийг биелүүлэхэд бэлэн байна гэнэ. Тэгэхдээ ДБНУ, болон ЛБНУ-ыг татан буулгах тухай заалт өөрсдөө оруулж байгаа нь бүдүүлэг зөрчил” гэсэн байна. Түүнийхээр бол энэ нь Украины Засгийн газрын тогтворгүй, залгамж халаагүй ажиллаж байгаагийн илэрхийлэл гэнэ.

Харин парламентын гишүүн Франц Клинцевич болохоор “Штайнмайерын формул”-ыг Киев тун өвөрмөцөөр тайлбарлаж байгааг, тэгээд ч өнөөдөр энэ хэлэлцээрээс шууд татгалзах тухай ярьж байна гэжээ. “Энэ нь уг хэлэлцээр тасалдахад хүргэж байгаа юм. Үүнээс болж л дайн үргэлжилж өдөр тутам хүн үхэж үрэгдсээр байна” гэж тэр тайлбарласан байна.