Залуучуудын интернэт ашиглаж байгаа болон сүлжээн дэх тэдний байдлыг байнга ажиглаж судлах үүргийг Засгийн газартаа өглөө хэмээн Кремлийн албан ёсны сайт мэдээллээ. Энэ нь төрийн болон холбогдох байгууллагуудын мэдээлэл түгээх явдлыг дээшлүүлэх “залуу үеийхний дунд үзэл бодол нь төлөвшихөд мэдээллийн хүрээний нөлөөллийг сайжруулах” зорилготой гэнэ. Владимир Путин бас “залуу үеийнхний сэтгэл зүйн хүмүүжилд” чиглэсэн контент үйлдвэрлэх зохицуулах төв байгуулах үүрэг өгсөн гэж баримт бичигт дурдсан байна. Эдгээр материалыг цаашид интернэтээр тарааж байх юм байна. Энэ үүрэг даалгаврыг 2019 оны арванхоёрдугаар сарын 1 гэхэд хэрэгжүүлсэн байхыг В.Путин бас даалгажээ. Ирэх онд ОХУ-ын Залуучуудын хэрэг эрхлэх агентлагийн санхүүжилтийг 7.7 тэрбум байсныг 11.9 тэрбум рубль болтол нэмэгдүүлсэн юм. Үүний 800 сая рублийг нь залуучуудын иргэний болон оюун санаа, ёс суртахууныг бэхжүүлэхэд чиглэсэн контент бэлтгэж интернэтээр түгээхэд зарцуулах юм байна.