Туркийн Ерөнхийлөгч Режеп Тайип Эрдоган Герман улс зэвсэг нийлүүлэхээ зогсоосных нь төлөө Гадаад хэргийн сайд Хайко Маасыг мэргэжлийн бус зөвхөн сонирхогч хэмээн доромжиллоо хэмээн Bild сайт энэ аравдугаар сарын 16-нд мэдээлсэн байна. Р.Эрдоган Сирийн умард нутаг дахь курдуудийн эсрэг “Энхтайвны эх булаг” байлдааны ажиллагаа эхлүүлснийг Европын холбоо буруутган Туркийн эсрэг хориг тавьж эхэлсэн юм. Р.Эрдоган бас Туркээс Европын холбооны нутаг руу дүрвэгсдийн хоёр дахь цувааг гаргана гэж сүрдүүлж байгаа юм.

Энэ бүхний төлөө Герман улс Туркт зэвсэг экспортлохоо хязгаарлана гэж мэдэгдсэн. Чухам яг ингэж мэдэгдсэн Германы Гадаад хэргийн сайд Хайко Маасыг Туркийн Ерөнхийлөгч “Немцийн Гадаад хэргийн сайд ямар ч мэдрэмжгүй хүн. Тэр Туркт зэвсэг худалдахгүй гэж ярьж байна. Энэ бол эцсийн хязгаар. Х.Маас бол мэргэжлийн бус, улс төрд бэлтгэгдээгүй хүн. Хэрэв тэр улс төр мэддэг бол ингэж ярихгүй байсан” гэж онцолжээ.