ОХУ-ын Красноярскийн хязгаарт Курагинскийн районы Щетинкино суурингийн дэргэд Сейба гол дээр алт олборлодог уурхайн далан сэтэрсний улмаас 13 хүн амь алдаад, өөр 13 хүний хувь заяа тодорхойгүй байна гэж Онцгой байдлын яам мэдээллээ. Ослын газарт хөрш бүс нутгуудаас аврах багуудыг илгээжээ. Үерийн ус ажилчны суурин дахь нийтийн түр сууцанд тус бүр 40 хүн байсан бололтой. Урьдчилсан дүгнэлтээр бол технологийн элэгдлээс болж далан сэтэрсэн бололтой. 

Үүний зэрэгцээ энэ далан гидротехникийн байгууламжид бүртгэлгүй байсан гэж Красноярск мужийн амбан захирагч Александр Усс хэлсэн байна. Далан таван метрийн өндөртэй, ажилчдын суурин яг түүний доор байрладаг байж. А.Усс бас амь алдсан болон алга болоод байгаа хүмүүсийн нэрсийг тодруулаад ар гэрийнхэнд нь тусламж үзүүлнэ гэж хэлсэн байна. Энэ даланг “маш богино хугацаанд бүхий л байж болох дүрэм журам, хэм хэмжээг зөрчин барьсан” гэж Красноярскийн хязгаарын засгийн газрын төлөөлөгч Юрий Лапшин сэтгүүлчдэд мэдэгдсэн байна.