Чилийн умард нутгийн Антофагаст, өмнө зүгт оршдог Вальдивии хотуудад сүүлийн өдрүүдэд төрийн болон хувийн байгууллагууд руу халдсан, эмх замбараагүй байдал гарч байгаагаас төв Засгийн газар эдгээр хотод онц байдал тогтоосон байна. Онц байдал зарласан зарлигийг ням гаргийн орой нийтэлжээ.
Одоогоор тийшээ үндэсний батлан хамгаалахынхныг илгээгээд байгаа ч цаашид эмх журам тогтоохын тулд цэргийнхнийг илгээж магадгүй байна. Засгийн газрын мэдээлэлд бас “нийслэлийн бүхий л нутаг дэвсгэрт онц байдлын дэглэм үргэлжилнэ” гээд нийслэлийн бүх дүүргүүдэд үйлчлэхийг заажээ.

Нийслэлд метрогоор зорчих тасалбарын үнэ 30 песогоор нэмэгдэж 850 песо буюу 1.2 ам.доллар болсноос үүдээд Сантьяго хотод эмх замбараагүй байдал гарч, цагдаагийнхантай мөргөлдөж эхэлсэн нь бусад хотуудад үргэлжилж эхэлжээ. Эмх замбараагүй байдал үүсгэсэн хэмээн нийтдээ 1462 хүнийг саатуулсны 614-ийг нь нийслэлд бусад 848-ыг орон нутгаас саатуулсан байна.
Үүнтэй холбоотойгоор нийслэлийн ихэнх дүүрэгт онц байдал тогтоож, Вальпарасио, Консепсьон, Ла-Серена, Кокимбо, Ранкагуа хамтралд онц байдал тогтоогоод байна.  Чилийн Ерөнхийлөгч Себастьян Пиньера бас нийтийн тээвэрээр зорчих тасалбарын үнийг өсгөсөн шийдвэрээ өөрчлөх шийдвэр гаргасан байна.