Өнгөрсөн долоо хоногт Японы нутгийг дайран өнгөрсөн “Хагибис” хар салхи Японы үндэсний хөдөө аж ахуйд 38.3 тэрбум иен буюу 354 сая ам.долларын хохирол учрууллаа хэмээн Японы Хөдөө аж ахуй, ой, загас агнуурын яам мэдээлсэн байна. Ширүүн бороо, үер, хөрсний гулгалтаас үүдсэн хохирлын хэмжээг нарийвчлан тооцож байгаа болохоор хохирлын хэмжээ өсч магадгүй хэмээн яам мэдээлжээ.
“Хагибис” хар салхины улмаас 78 хүн нас барж арван хүн сураггүй болсон гэж мэдээлж байгаа болохоор өнөөдөр ч эрэн хайх, аврах ажиллагаа үргэлжилж, гамшгийн үр дагаврыг арилгах ажил хийсээр байна. Тус улсын төв, зүүн хойд нутагт 100 мянга гаруй байшин барилга цэвэр усан хангамжгүй болоод байна.