Сирийн асуудлаар Орос, Турк харилцан тохиролцоонд хүрсэнд Америкийн сенатч, ардчилагч Ричард Блюменталь сэтгэл түгшиж байгаа илэрхийлээд энэ нь курдуудтэй харилцах харилцаанд “жинхэнэ урвалт” боллоо гэжээ. “Ерөнхийлөгч Дональд Трамп Америкийн тэргүүлэх байр суурь, хариуцлагаас татгалзаж харин В.Путин энэ орон зайг нь бөглөх гэж хөндлөнгөөс оролцлоо. Р.Эрдоган, В.Путин хоёрын аюултай түншлэл, курдуудийг хөөн гаргаж байгаа нь бидний урвасныг илүү их түгшүүртэй, жигшүүртэй болгож байна” гэж Р.Блюменталь Twitter хуудсандаа бичсэн байна.
Сенатч өөрийнхөө мэдэгдлийг Сочид болсон Орос, Туркийн тэргүүнүүдийн хэлэлцээрийн талаар хэвлэлүүдэд мэдээлснийг хавсаргажээ. Энэ аравдугаар сарын 9-нд Турк улс Сирийн умард нутагт байрладаг курдуудийн эсрэг “Энхтайвны эх булаг” цэргийн ажиллагаа эхлүүлсний дараа сири-туркийн хил дагуу байсан өөрийн цэргээ тэндээс гаргасан юм.