Иракт сөргөлдөгч талууд хүчирхийлэл үйлдэхээ зогсоохыг АНУ-ын Төрийн департаментын хэвлэлийн албаны тэргүүн Морган Ортагус уриалаад Иракийн хэвлэл мэдээллийн хэрэгсэлд дарамт үзүүлж байгаад сэтгэл түгшиж байгаагаа мэдэгдсэн байна. “Иракт болж байгаа үйл явдал, өрнөлийг АНУ анхааралтай ажиглаж, сөргөлдөгч талуудыг хүч хэрэглэхээсээ татгалзахыг уриалж байна. Энэ амралтын өдрүүдэд болсон эсэргүүцлийн жагсаал цуглааны үеэр амь үрэгдэгсдийн ар гэрийнхэнд эмгэнэл илэрхийлье. Жагсаал цуглааны тухай мэдээлсэн хэвлэл мэдээллийн хэрэгслүүдийг хүчээр хааж, дарамт шахалт үзүүлж байгаад АНУ гүнээ сэтгэл түгшиж байна” гэж Ортагусын Twitter-тээ нийтэлсэн мэдээлэлд дурджээ. Тэр бас үг хэлэх эрх чөлөө нь ардчилсан шинэчлэлийн салшгүй бүрэлдэхүүн хэсэг гэдгийг онцолсон байна.
Иракт болж байгаа Засгийн газрын эсрэг эсэргүүцлийн хөдөлгөөний явцад 50 орчим хүн амь үрэгдээд байгаа тухай AFP мэдээлсэн юм. Ер нь энэ хөдөлгөөн эхэлж, дараа нь эмх замбараагүй байдал болж хувирсны улмаас 200 орчим хүн амь алдаж, хэдэн мянган хүн шархтаж гэмтээд байгаа юм.