Болгарт суугаа ОХУ-ын ЭСЯ-ны нэгдүгээр нарийн бичгийн даргыг тагнуулын хэрэгт сэжиглэн «персон нон-грат» хийхээ Болгарын засгийн газар зарласан байна. Болгарын Гадаад хэргийн яам оросын дипломаттай аравдугаар сарын 25-нд уулзаж эх орноосоо үтэр түргэн гарахыг шаарджээ. Зарим хэвлэлд түүнийг болгараас хэдийнээ явсан гэж бичиж байна. Болгарын гадаад хэргийн яам ч “Оросын дипломатыг бид цаад тал нь даваа гараг гэхэд манай эх орноос гарч явахыг шаардсан. Тэр заасан хугацаанд Болгарын нутгийг орхин явсан” гэж мэдээлжээ.

Болгарын прокурорын газар оросын дипломатчид эрүүгийн хэрэг үүсгэсэн гэж даваа гарагт мэдээлсэн ч дипломат бүрэн эрхтэй учраас хэргийг хаасан гэсэн байна.
Болгарын тусгай албаны мэдээлж байгаагаар бол оросын дипломат өнгөрсөн оны намраас л болгарын иргэдтэй уулзан тагнуулын ажиллагаа явуулан Софи болон Европын холбоо, НАТО-гийн талаар нууц мэдээлэл цуглуулж эхэлсэн гэнэ. “Гадаадын энэ иргэн 2018 оны есдүгээр сараас гадаад оронд дамжуулах зорилгоор улсын нууц, Болгарын болон Европын холбоо, НАТО-гийн ашиг сонирхолд нийцэх мэдээлэл цуглуулж эхэлсэн гэмт хэргийн нь төлөө тусгай прокурорын газар эрүүгийн хэрэг үүсгэсэн” гэж мэдээлэлд дурджээ.
Болгарт суугаа ОХУ-ын ЭСЯ энэ талаар мэдээлэл өгөхөөс татгалзсан байна.