АНУ-ын конгрессын гишүүн хатагтай Кути Хилл өөрийн ажилтантайгаа холбогдсон секс дуулианаасаа болж огцорч байгаагаа мэдэгдсэн байна. Хилл Twitter-тээ “сэтгэл зүрхээ шархлуулан” АНУ-ын Конгрессын доод танхимыг орхиж байна хэмээн бичээд ингэх нь сонгогчдын хувьд илүү сайн байх болно гэсэн байна. “Энэ бол миний амьдралд тохиолдож байсан бүхий л зүйлээс хамгийн хүнд нь болж байна” гэж Хилл сүлжээндээ бичжээ. Өөрийн албан хаагчтайгаа бэлгийн харьцаанд орсон гэдэг нь ямар ч үндэслэлгүй зүйл гэж тэрээр өмнө нь мэдэгдэж байсан юм. Гэсэн ч танхимын ёсзүйн хороо энэ үйлдэл үнэн эсэхийг өнгөрсөн долоо хоногоос мөрдөн шалгаж эхэлжээ. California Globe хэвлэл Хиллийг бүр нөхрөөсөө гадна өөрийн ажилтан бүсгүйтэй дотно харилцаатай гэж бичиж байна. Калифорнийн хэвлэлд бичиж байгаагаар бол конгрессын гишүүн энэ эмэгтэй бисексуаль юм гэнэ.