Саявтар Японы нутгийг дайран өнгөрсөн “Хагибис” хар салхины учруулсан хохирлын хэмжээ 170 тэрбум иен буюу 1.5 тэрбум ам.долларт хүрлээ гэж тус улсын засгийн газар даваа гарагт мэдээлсэн байна.
Хөдөө аж ахуйн яамны тооцоолсноор есдүгээр сарын сүүлчээр дайрсан “Факсай” хар салхи ойн болон загас агнуурын аж ахуйд 50.9 тэрбум иен буюу 468.2 сая ам.долларын хохирол учруулсан бол аравдугаар сард болсон “Хагибис” хар салхины учруулсан хохирлын хэмжээ 122.17 тэрбум иен буюу 1.1 тэрбум ам.долларт хүрчээ. Хөдөө аж ахуйн үйлдвэрлэлийн зориулалттай 33 мянга га газар үерт нэрвэгдэж сүйрчээ. “Хагибис” хар салхины улмаас 88 хүний амь үрэгдэж, өөр долоон хүн сураггүй алга босон бол бэртэж гэмтсэн хүний тоо дөрвөн зуугаар тоологдож байна.

Сүүлийн хэдэн арван жил тохиож байгаагүй “Хагибис” хар салхины учруулсан хохирлыг арилгахад зориулж Засгийн газар нэмэлт хөрөнгө хуваарилж байгааг Японы Ерөнхий сайд Шинзо Абэ мягмар гарагт мэдэгджээ. Ерөнхий сайдын мэдэгдсэнээр бол эвдэрч гэмтсэн зам гүүр, байшин барилгыг засварлаж гамшигт нэрвэгдсэн районуудад хэвийн амьдрал бий болгоход орон нутгийн засаг захиргаадад хөрөнгө хүч хүрэлцэхгүй байгаа юм байна.