“Форрест Гамп”, “Ногоон шугам”, “Цэрэг Райаныг аварсан нь” киногоор нь бидний мэдэх холливудын жүжигчин Том Хэнкс “Оскар”-ын хоёр, “Алтан бөмбөрцөг”-гийн дөрөв, “Эмми”-гийн таван шагнал хүртсэн жүжигчин. Тэрээр 70 гаруй кинонд тоглож дэлхийн кино урлагт үнэтэй хувь нэмэр оруулсан юм.

1. Том Хэнкс 1956 оны долдугаар сарын 9-нд АНУ-ын Калифорнид төрсөн. 28 нас хүртлээ гадаадад огт зорчоогүй гэнэ.
2. Түүний өндөр өвөг Жон Хэнкс АНУ-ын 16 дахь ерөнхийлөгч Авраам Линкольнтой дээд талаараа нэг удмын хүн гэдэг.
3. Нэг ярилцлагадаа Том Хэнкс гэр бүлийнхээ тухай “Нийтдээ надад гурван эх, дөрвөн эцэг байсан, би таван сургууль, 10 байшин дамжсан хүн. Миний бага нас тийм ч сайхан байгаагүй, гэхдээ би хөдөлмөрлөсний ачаар хараат бус болж чадсан” гэсэн байдаг.
4. Хоёр дахь эхнэртэйгээ Том Хэнкс “Сайн дурынхан” киноныхоо үеэр танилцсан байна.
5. Том дөрвөн хүүхэдтэй. Анхны эхнэрээсээ хүү охин хоёртой бол хоёр дахь эхнэрээсээ хоёр хүүтэй. 2011 онд Том Хэнкс өвөө болж ач охиноо Оливей гэж нэрлэсэн.
6. Хамгийн сайн найзаараа  тэр эхнэр Рита Уилсоноо нэрлэдэг.
7. Том хүүхэд өсгөх хамгийн зөв арга бол зөв шийдвэр гаргахад нь дөхөм болох хамгийн зөв асуултууд тавьж байх явдал гэдэг.
8. Том Хэнкс 1993 онд “Филадельфи”, 1994 онд “Форрест Гамп” киногоороо жил дараалан “Оскар” хүртсэн. Киноны түүхэнд тэрээр Спенсер Трейсигийн дараа хоёр дахь нь болж жил дараалан “Оскар” хүртсэн байна.

9. Хэнкс нэг удаа “Би аливаад анхаарлаа төвлөрүүлж чаддаггүй хүн, гэхдээ би амжилтад хүрч чадсан. Энэ бол жүжигчний мөн чанар. Би энэ мэргэжил, ажил, урлаг, хичээл зүтгэлийг эзэмшиж үүгээрээ таашаал, баяр баясгалан эдэлж байгаа. Одоо би өөр ямар нэгэн зүйлд анхаарлаа төвлөрүүлэн ингэж зүтгэж чадахгүй” гэж ярьсан байдаг.
10. Том Хэнкст нэг удаа хос хоёр өөрийнх нь тоглосон “Ларри Краун” кино сэтгэлд хүрсэнгүй гэж гомдоллоход жүжигчин тэдэнд тасалбарынх нь 25 ам.долларыг өгөөд дараагийн кинондоо илүү сайн тоглоно гэж амласан гэдэг.
11. 1970-аад онд Том Хэнкс Калифорнийн их сургуульд суралцаж байхдаа Оросын зохиолч Антон Чеховын “Интоорын цэцэрлэг” жүжигт тоглож байсан  гэнэ.
12. Том Хэнксийнхээр бол кино нь гурван Е буюу Entertainment, Education, Enlightenment гэсэн гурван үүрэгтэй гэнэ. Энэ нь зугаацуулах, боловсрол олгох, гэгээрүүлэх үүрэг.
13. Хэнкс маш олон хүүхэлдэйн кинонд дуу оруулсан жүжигчин. “Тоглоомын түүх” хүүхэлдэйн киноны Вуди ковбойн дууг санаж байна уу.
14. Том Хэнкс “Тэнгэрийн элчүүд ба чөтгөрүүд” кинонд тоглосныхоо төлөө 51 сая долларын шагнал хүртсэн нь кино урлагийн түүхнээ нэг дүрийн хамгийн өндөр шагнал болсон байна.
15. Тэрээр Мэг Райантай хамгийн олон удаа хамтран тоглосон. “Жо галт уулын эсрэг”, “Сиэтл дэх нойргүй хүн”, “Танд захидал ирлээ” кинонд хамт тогложээ.
16. Хэнксийн ихэнх дүр эерэг талын дүр байдаг ч нэг л удаа “Жентелменүүдийн тоглоом” кинонд банк дээрэмдэгчдийн толгойлогчийн дүрд тоглосон байдаг.
17. Том Хэнкс кино урлагийн түүхэнд хамгийн өндөр орлоготой жүжигчин. Түүний кинонууд өнөөдөр зах зээлээс 8.5 тэрбум долларын орлого олсон байдаг.
18. “Өөрийнх нь лига” кинонд тоглохын тулд жүжигчин 13 кг жин хассан бол “Орхигдсон хүн” кинонд тоглохдоо 22 кг туржээ.
19. Нэг ярилцлагадаа Том өөрийнхөө кинонуудыг ерөөсөө үздэггүй гэж хэлсэн байдаг.
20. Том Хэнкс хамгийн анх “Чамайг ганцаараа гэдгийг тэр мэднэ” гэдэг аймшгийн кинонд тоглож кино жүжигчний карьераа эхлүүлжээ.
21. Тэрээр тоглосон кино бүрээсээ 100 саяас дээш долларын шагнал авдаг жүжигчин хэмээн алдарт Гиннесийн дээд амжилтын номд орсон хүн.
22. Жүжигчин кинонд нүцгэлэхээсээ ямагт татгалзаж “Тэндээс юу харах гэсэн юм” гэдэг гэнэ.
23. “Ногоон бүс”-д түүнтэй хамт тоглосон аварга Майкл Кларк Дункан нэг ярилцлагадаа “Танд таалагдах эсэхийг би мэдэхгүй байна, гэхдээ өнөөгийн Холливудад Том Хэнкс болоод бусад нь л байдаг” гэсэн байна.

24. “Форрест Гамп”-ын дараанаас түүний алдар Холливудад түгэж, энэ ч хэвээрээ өнөө хүрч байгаа.
25. Хэнкс бас нэг удаа ярилцлагадаа кинонд мөнгө, шагналын төлөө ч биш, зах зээлийг ч боддоггүй, ганцхан “мотор” гэсэн команд, дохиог л хүлээж ажилладаг гэжээ.
26. Өөрт нь ойлгомжгүй дүрийг тэр хэзээ ч хүлээж авч байгаагүй шууд л татгалздаг байна.
27. “Ноён Бэнксийг авар” киноны Уолт Диснейн дүрд тоглохын тулд Том Хэнкс Сан-Франциско дахь Диснейн музейд хэд хэдэн удаа очиж Диснейн төрөл төрөгсөдтэй, охин Дайан Диснейтэй уулзаж ярилцсан гэдэг.
28. Том Хэнкс 2002 онд Америкийн киноны хүрээлэнгийн бүхий л амьдралын ололтын төлөө шагналын хамгийн залуу шагналтан болжээ.
29. “Тоглоом өөрчлөгдсөн” киногоороо хүртсэн “Эмми” шагналаа Том Хэнкс машиныхаа хамар дээр нааж тогтоож байжээ.
30. “Цэрэг Райаныг аварсан нь” киноныхоо дүрээр Том Хэнкс энгийн иргэдэд тэр бүрий олгоод байдаггүй АНУ-ын Тэнгисийн цэргийн хүчний шагнал хүртсэн байна.
31.  Холливудад Том Хэнксийг хамгийн даруухан, эелдэг од гэж нэрлэцгээдэг байна.
32. Том Хэнкс өөрийнхөө кинонуудаас “Аполлон-13”-таа илүү дуртай гэнэ. Тэгээд ч тэр сансрын судалгааны хөтөлбөрийн идэвхтэй оролцогч.
33. Том Хэнксийг улс төрд амжилт олно гэсэн яриа их байдаг ч тэр өөрөө “ёстой үгүй”, “Би  хэзээ ч түүгээр оролдохгүй” гэдэг гэнэ.
34. Тэр бас нэг удаа Зөвлөлтийн “Тогоруун цуваа” кино нүднийх нь нулимсыг гартал сэтгэл хөдөлгөсөн гэж ярьжээ.
35. Сакраментогийн коллежид сурч байхдаа театрт ажил олдохгүйгээс тэр Их нуур дахь Шекспирийн фестивальд тайз засалчийн ажил хийж байжээ.
36. Залуудаа тэрээр зочид буудалд илгээмж хүргэж, алдартнуудын чемодан зөөдөг байсан гэнэ.
37. Том Хэнксийн талаар шар хэвлэлийн хуудаснаа барагтай бол юу ч гардаггүй гэнэ. Харин түүнийг метрогоор зорчиж явахад нь папарацууд зургийг нь дарсан байдаг.
38. Том спортын жинхэнэ хорхойтон, сагсан бөмбөг, хөл бөмбөг шимтэн үздэг байна.
39. Түүнийг Умард Дакотад зоогийн газар хоолож байхад нь нэг шүтэн бишрэгч нь согтуугаар ирж, нүдний шилийг нь авч зүүгээд дэргэд нь суусан байна. Том харин уурлахын оронд түүнтэй хошигнон харьцаж наргиан болгосон нь олон нийтийн сүлжээгээр тарсан гэдэг.

40. Кино бизнесийн зүтгэлтнүүд түүнийг “Холливудын захирал” гэж хочилдог гэнэ.
41. Жүжигчин “Ямар ч ном миний ухамсрыг өөрчилж чадахгүй” гэж мэдэгдсэн гэнэ.
42. Нэг удаа Том Хэнкс оройтоод  такси барьж чадахгүй байтал нэг жолооч зөвшөөрч түүнийг гэрт нь хүргэж өгөхөд жүжигчин тэр жолоочийг өөрийнхөө тоглосон Бродвейн театрын хөшигний ард зогсоож жүжиг үзүүлсэн гэдэг.
43. Том Хэнкс бичгийн машин цуглуулдаг, түүний цуглуулгад 300 гаруй бичгийн машин байдаг. “Nerdist” сэтгүүл түүнээс ярилцлага авахын тулд 1934 оны Smith Corona бичгийн машин илгээж байсан гэдэг. Ойрын үед Том Хэнкс бичгийн машины тухай ном гаргах гэнэ.
44. Нэг удаа Том Хэнкс Сан-Францискогийн гудамжаар зугаалж яваад жигнэмэг худалдаалж явсан скаутуудтай тааралдаж, хэдэн жигнэмэг худалдаж аваад охидтой зургаа татуулжээ. Шүтэн бишрэгчид нь түүнийг хармагц хамт зургаа авхуулъя гэж хүсэхэд та нар скаутуудаас жигнэмэг худалдаж авбал хамт зургаа татуулна гэсэн гэдэг.
45. Том Хэнкс жил бүр эхнэртэйгээ хамт Лос-Анжелес дэх Калифорнийн их сургуульд зочилж найз жүжигчидтэйгээ хамт Шекспирийн хошин жүжгийн нэгийг тоглон  орлогоо өөрийн найз Бен Доненбергийн тэргүүлдэг Лос-Анжелесийн Шекспирийн төвд хандивладаг байна.