АНУ-ын улсын өр дахиад шинэ дээд амжилт тогтоож 23 их наяд ам.доллар боллоо хэмээн АНУ-ын Сангийн яам мэдээллээ. Дональд Трампыг АНУ-ын Ерөнхийлөгч болж байх үед энэ өр 20 их наяд хүрэхгүй байсан боловч холбооны төсвийн дутагдлаас болоод асар хурдтай өссөн юм. Энэ 2019 онд гэхэд л төсвийн алдагдал гурван их наяд долларт хүрч байна. 2017 онд Дональд Трампын конгресс дахь бүгд найрамдахчуудтай хамтран хийсэн татварын шинэчлэл ёсоор бол төсвийн алдагдлыг сүүлийн арван жилд анх удаа хоёр их наяд доллар болгосон юм.
Нөгөө талаар батлан хамгаалах салбарт зарцуулдаг зардал жил бүр өсч Пентагоны төсөв жилд 700 тэрбум ам.доллар болсон юм.
Нийт алдагдал 23 их наяд долларын 17 их наяд нь иргэдийн болон санхүүгийн байгууллагын өр бол үлдэх зургаан их наяд нь холбооны засгийн газрын төрөл бүрийн байгууллагын өр байна.
Үүний өмнө америкийн хөрөнгө оруулалтын AllianceBerstein компани АНУ-ын улсын өр нийт эдийн засгийн 1832 хувьд хүрээд байна гэж мэдээлж байсан юм.