АНУ, БНХАУ-ын хооронд худалдааны асуудлаар хийсэн зөвлөлдөөн нааштай үр дүнд хүрч, Вашингтон уулзалтын явцад санал зөрөлдөөнтэй асуудлыг тогтворжуулж чадлаа гэж Цагаан ордны Худалдааны асуудлаарх үндэсний зөвлөлийн тэргүүн Питер Наварро телевизийн Fox Business сувагт яриа өгөхдөө онцолсон байна.
Америкийн Ерөнхийлөгчийн зөвлөхийн хэлж байгаагаар бол баасан гарагт БНХАУ-ын Төрийн зөвлөлийн ерөнхий сайдын орлогч Лю Хэ, АНУ-ын худалдааны хэлэлцээр дэх төлөөлөгч Роберт Лайтхайзер нар ээлжит зөвлөлдөөн хийжээ. Ингэснээр Вашингтон, Бээжин хоёр өнөөдөр “хэн хэндээ таатай тийм зам дээр “ ирээд байгаа гэнэ.
Хятадын тал ч бас АНУ, БНХАУ хоёр үндсэн асуудлаар ойлголцолд хүрсэн гэснийг Наварро “би үүнтэй маргахгүй” гээд худалдааны асуудлаарх маргаантай асуудлыг “гурван шаттайгаар” шийдвэрлэнэ гэжээ.
АНУ-ын Худалдааны сайд Уилбур Росс мөн Хятадтай хийж байгаа хэлэлцээрийн явцад сэтгэл хангалуун байгаагаа илэрхийлээд ойрын хоёр долоо хоногийн хугацаанд бид тохиролцоонд хүрнэ гэсэн байна.