Их Британийн хэвлэлүүдэд бичиж байгаагаар удахгүй болох сонгуульд лейбористууд ялах юм бол тус улсын тэрбумтан олон хүн эх орноосоо гарч явахад бэлэн байгаа гэнэ. Тэдний хувьд лейбористууд сонгуульд ялбал Жереми Корбин Ерөнхий сайд болно гэж зарласан нь хамгийн том аюулд тооцогдож байна. Лейбористуудын мөрийн хөтөлбөрт татварын шинэ тогтолцоо бий болгоно гэсэн нь тэрбумтнуудыг хэдэн тэрбумын татвараар дарах болж байгаа юм.
Үүнээс үүдээд Лондонгийн Хуульзүйн фирмүүд гадаад оронд гарч явах, хөрөнгөө гадаадад гаргахад туслахыг хүссэн утасны дуудлагад дарагдаад байгаа юм байна. Корбины эмхлэн байгуулахаар зарлаад байгаа Засгийн газар нь Их Британийн хувьд Brexit-д биш, харин хувь хүмүүст том аюул учруулахаар хөтөлбөр ярьж байгаа юм. Тэд татварын шинэ тогтолцоо бий болгохоор боловсруулж эхэлжээ.