Өнөөдрийн байдлаар АНУ нэг бол Оростой, эсвэл Хятадтай үр ашигтай байлдааны ажиллагаа явуулж чадна гэж Америкийн стратеги судалгааны Heritage Foundation хүрээлэнгийн жил бүрийн илтгэлд дурдсан байна. Тус хүрээлэнгийн 500 хуудас бүхий Index of U.S. Military Strength нэртэй энэ илтгэлд сөрөг хүчнээ АНУ-д ерийн байдлаар юм уу, уламжлалт бус хэрэгслээр аюул учруулах чадвартай гэж дүгнэжээ.
Энд Москвагийн “хүчирхийллийг” хам­гийн өндөр оноогоор үнэлээд “аюул учруулах” хүчин чадал нь улам өсөн нэмэгдэж байгаа гэсэн байна. “Орос нь хуурай замын цэргээс нисэх хүчин, тэнгисийн цэргийн флот, сансрын хүчин, кибер зэвсгээр заналхийлэх бүрэн боломжтой. Москва бол юуны түрүүнд АНУ тэргүүтэй олон улсын дэг журмыг эвдлэн сүйтгэх зорилго агуулсан” гэж илтгэлд дурдсан байна. Үүнээс гадна Орос зэвсэглэлээ ямагт шинэчлэн сайжруулж байгаа, хамгийн өндөр хүчин чадлын цөмийн зэвсгийн нөөцтэй, хиймэл дагуулын эсрэг “Прометей” ЗРК С-500 цогцолбор, радио электрон зэвсэг хэрэгсэлтэй гэжээ.
Энд Москва нь АНУ-ын хувьд хуучин Зөвлөлт холбоот улс шиг гол аюул занал болж байгаа нь өнөөдөр ч, ирээдүйд ч хэвээр байна гээд шинжээчид үүний араас Хятад орно гэсэн байна. Бээжинг илтгэлд “хүчирхийлэгч” гэж тэмдэглээд өөр аюултай орнуудаас Иран, БНАСАУ, олон улсын терроризмыг нэрлэжээ. Арваннэгдүгээр сарын эхээр Туркийн чөлөөнд гарсан хошууч генерал Осман Памукогли дэлхийн гуравдугаар дайн гарцаагүй болно гээд гол оролцогчид нь АНУ, Хятад, Орос гурав байх болно, эдгээр орнуудын хоёр нь гуравдахийнхаа эсрэг нэгдэж байлдана гэж мэдэгдсэн юм.