Европын холбооны статистикийн байгууллага тус холбооны орнуудаас хамгийн аюултай орноор Бельгийг нэрлэснээ албан ёсны сайтдаа мэдээлсэн байна. Тус байгууллагын мэдээгээр 2011 оноос 2017 онд Европын холбооны улсуудад дээрмийн гэмт хэрэг 24 хувь буюу 522 мянгаас 396 мянга болтлоо буурсан гэжээ. Харин халдлага зөвхөн 2017 онд 1.1 саяар өссөн гэнэ.
2017 онд гэхэд л Бельгид 100 мянган хүнд ногдох гэмт хэрэг 167 гарсан бол, хоёрдугаарт орж байгаа Францад 150, Испанид 144 гарсан гэжээ. Үүний зэрэгцээ Их Британид 100 мянган хүнд 132, Португалид 115 гэмт хэрэг гарсан байна. Харин Словак, Унгарт ердөө ес, Румынд 16, Эстони, Чехэд 15, Кипрт 14, Словенид 12 гэмт хэрэг бүртгэгдсэн байна. Хүний амины гэмт хэрэг Латвид 5.6, Литвад 4.0, Эстонид 2.2, Мальтад 2.0 байгаа нь хамгийн өндөрт тооцогдож байгаа бол Люксембургт 0.3, Чех, Итали, Австрид хамгийн бага тохиолдож байгаа юм.