Украины газар доорх байгалийн хийн агуулахад хангалттай нөөц байгаа болохоор Киев оросоос дамжуулдаг байгалийн хийг хаахад бэлэн байна гэж Украины Эрчим хүчний сайд Алексей Оржель ICTV телевизийн “Үг хэлэх эрх чөлөө” хөтөлбөрт оролцох үеэрээ мэдэгдсэн байна.
“Хэрэв байгалийн хийн талаар ярих юм бол бид дамжуулан өнгөрүүлэх хэлэлцээрийн шууд биш оролцогч, тэгэхээр Украины нутгаар байгалийн хий дамжуулан өнгөрүүлэхийг зогсооход бэлэн байна” гэж тэрээр мэдэгджээ.
Түүний хэлснээр бол өнөөдөр Украины байгалийн хийн агуулахад хангалттай “бүр дээд хэмжээний 21.7 тэрбум шоо метр хий байгаа юм байна. Оржель бас Оростой байгалийн хийг нь дамжуулах гэрээ хийхгүй байхад Украинд юу ч тохиолдохгүй гэжээ.
Европын шинэ дүрмээр “Газпром”-той гэрээ байгуулахын тулд бид Европын түншүүдтэйгээ идэвхтэй хамтран ажиллаж байгаа, энэ зарчмаар бол украиныг “дарамталж хэрэггүй” гэж Оржель хэлсэн байна. Хэрвээ Киев Оросын байгалийн хийг Европт дамжуулан гаргах юм бол Европын хэрэглэгчдэд өрсөлдөөн, үнэ буулгах тухай яриа байх ёстой гэж Украины Эрчим хүчний сайд хэлжээ.
Украин нөөцдөө 20 тэрбум шоо метр байгалийн хийгүй бол Украин сүйрнэ гэж Оросын “Нефтогаз” компанийн тэргүүн Андрей Коболев өнгөрөгч долдугаар сарын эхээр мэдэгдэж байсан юм. Москва, Киев хоёрын байгалийнхы дамжуулах тухай гэрээ 2019 оны эцсээр дууссан юм.