АНУ-ын Цэргийн нисэх хүчин сансрын тойрог замаас нарны эрчим хүч хуримтлуулан Америкийн армийн шинжилгээний хүчинд шилжүүлэх сансрын систем бүтээх ажлыг санхүүжүүлж байгаа тухай АНУ-ын Цэргийн нисэх хүчний судалгааны хүрээлэнгийн / AFRL / албан ёсны сайтад мэдээлсэн байна. АНУ-ын армийн стратегийн технологийн нэг хэсэг болох энэ төслийн зорилго нь тойрог замын цахилгаан станц бүтээх замаар сансарт эрчим хүч цуглуулж, радио долгионы хэлбэрээр газарт дамжуулан эх орныхоо болон холбоотнуудынхаа цэргийн бүлэглэлийг эрчим хүчээр хангах явдал гэнэ. Ийм байдлаар эрчим хүчний найдвартай, тасралтгүй эх үүсвэр бий болгох юм байна.
Эрчим хүч, мэдээллийн технологи, сансар, хөлөг онгоцны салбарт ажилладаг Америкийн цэрэг аж үйлдвэрийн Northrop Grumman компани энэ төслийг хэрэгжүүлэхээр 100 сая ам.долларын гэрээ хийсэн байна. Жилийн 25 тэрбум долларын эргэлттэй энэ компани өмнө нь үл үзэгдэгч B-2 Spirit бөмбөгдөгч бүтээснээрээ алдартай. Үүний зэрэгцээ NASA-гийн захиалгаар Америкийн сарны “Артемида” хөтөлбөрийн хүрээнд Саран дээр буух аппарат бүтээх ажилд оролцож байгаа юм.
Үүний өмнө Хятадын эрдэмтэд эрчим хүчний дутагдлыг нөхөх, агаарын бохирдлыг бууруулахын тулд тойрог замд байрлах нарны цахилгаан станц байгуулах боломжийг судалж байгаа тухай мэдээлэл гарч байсан юм.