Алан хядагч “Лалын улс” зэвсэгт бүлэглэлийн толгойлогч Абу-Бакр аль-Багдадийн боол байсан эмэгтэй алан хядагчийн амь үрэгдэхээсээ өмнөх сүүлийн саруудынх нь амьдралын тухай ярилаа гэж АР агентлаг мэдээллээ.
Аль-Багдади сүүлийн үед ямагт газар доорх хоргодох байрандаа байж, урвагчдаас эмээж суудаг байсан гэнэ. Үүний зэрэгцээ ямагт малчны хувцас өмсөн зүсээ хувирган өөрийнхөө хамтран зүтгэгчидтэй хамт гарч ордог байсан гэнэ. Амь үрэгдэхээсээ өмнөхөн тэр өөрийнхөө бүрэн эрхийг орлогчдоо шилжүүлэн өгсөн гэж байгаа ч нэрийг нь дурдаагүй байна.
Аль-Багдади бүр 2017 онд Идлиб рүү зугтах гэж гурван машин бүхий цуваагаар явж байснаа хүчний байгууллагынхантай мөргөлдөхөөс эмээн эргэж ирсэн байна. Ингээд Сирийн дорнод нутагт ямагт нэг газраас нөгөө рүү шилжин суурьшиж, амиа золиослогчийн бүс байнга зүүн, хамтран зүтгэгчдээ ч ингэхийг шаарддаг байжээ. Аль-Багдади өөрөө чихрийн шижинтэй болохоор Рамадан сарын турш мацаг барьж чаддаггүй, үүнээсээ болоод ч хамтран зүтгэгчдээ мацаг барихыг хориглодог байсан гэнэ.
Алан хядагч “Лалын улс” зэвсэгт бүлэглэлийн толгойлогч Абу Бакр аль-Багдадийг Америкийн тусгай ажиллагааны үеэр газар доорх хонгилд устгасан гэж АНУ-ын Ерөнхийлөгч Дональд Трамп аравдугаар сарын 27-нд мэдэгдсэн юм.