Арваннэгдүгээр сарын 6-ны шөнө хэсэг зэвсэгт дайчин Тажикстан, Узбекистаны хилийн застав руу дайрлаа гэж Тажикстаны Үндэсний аюулгүй байдлын улсын хорооны хилийн цэргийн удирдах газрын хэвлэлийн алба мэдээлснийг РИА Новости агентлаг дамжуулжээ.
Нийслэл Душанбегаас  баруун зүгт 60 км-т орших “Султанабад” отрядын “Ишкобод” застав руу зэвсэглэж, нүүрний баг  өмссөн 20 хүн дайрч хилчдийн таван ч автоматыг булааж авчээ. Хүчний байгууллагынхны ажиллагааны явцад тэдний 15-ыг нь устгаж тавыг нь баривчлан саатуулсан байна. Ажиллагааны үеэр нэг хилчин, нэг цагдаа амь үрэгдсэн байна.
Өнгөрөгч есдүгээр сард Тажикстанд оросын цэргийн 201 дүгээр баазын хоёр цэргийн албан хаагч шархадсан хэрэг гарч байсан юм. Оросын цэргүүд хувийн хэргээр Бохтар хотод очоод байхад нь хутгаар зэвсэглэсэн эрэгтэй халдаж шархдуулсан юм.