АНУ-ын Ерөнхийлөгч Дональд Трамп аугаа их ялалтын ойд зориулж хийх баярын парадыг үзэхээр Москвад очихыг хүсч байгаагаа өнгөрөгч баасан гарагт сэтгүүлчидтэй уулзах үеэрээ ТАСС-ын сурвалжлагчийн асуултад хариулахдаа мэдэгджээ. “Тиймээ, мэдээж би уригдсан” гэж америкийн тэргүүн хэлээд үүнээс өмнө ирүүлсэн энэ урилгыг ашиглаж Москвад 2020 оны тавдугаар сарын 9-нд очихыг бодож байна” гэсэн байна. “Сонгуулийн ажил эхэлж байх үе л таарч байна, гэхдээ би энэ талаар нухацтай бодно. ОХУ-ын Ерөнхийлөгч В.Путин намайг урьсан. Эх орны их дайн дууссан өдрийн баяр бол маш чухал үйл явдал. Энэ үнэхээр чухал үйл явдал, би урилгыг өндөр үнэлж байна” гэж Трамп хэлжээ. Тэр дахиад л сонгуулийн кампанит ажил эхэлж байх үе гэдгээ онцолсон байна. 2020 оны арваннэгдүгээр сарын 3-нд болох АНУ-ын бүх нийтийн ээлжит сонгуулиар Дональд Трамп Бүгд найрадмдах намаас дахиад төрийн тэргүүнд өрсөлдөх гэж байгаа юм. “Энэ бол улс төрийн хамгийн шийдвэрлэх чухал үе, гэхдээ би чадвал очихыг хүсч байна” гэж АНУ-ын тэргүүн онцлон хэлжээ.
Өнгөрөгч зургадугаар сард японы Осакад болсон “Их-20”-ийн бүлэглэлийн дээд хэмжээний уулзалтын үеэр ОХУ-ын Ерөнхийлөгч Владимир Путин АНУ-ын ерөнхийлөгч Дональд Трамптай уулзах үеэрээ түүнийг аугаа их ялалтын 75 жилийн ойн арга хэмжээнд урьсан юм. АНУ-ын тэргүүн хариуд нь энэ урилгын талаар маш нухацтай бодох болно гэжээ.