Сирийн Ерөнхийлөгч Башар Асад улс орондоо байгаа террористуудыг дэмжиж байна хэмээн Европын холбоог буруутгасан байна. Телевизийн RT сувагт өгсөн ярилцлагадаа тэрээр Европ дүрвэгсдээс айж, хоёр нүүр гаргаж байна гэжээ. 

Сирийн мөргөлдөөний явцад сая сая хүн Турк рүү дүрвэн гарсан, тэдний дунд хэт даврагсад ч бий гээд, Европ туркийн ерөнхийлөгч Режеп Тайип Эрдоганаас айж байна, уг нь тэр тэдэнд хэрэгтэй гэжээ. “Хамгийн аюултай нь Сири дэх террористуудыг Европ дэмжиж байна. Энэ бол юу юунаас илүү аюултай. Энэ бол хоёр нүүр. Тэр хэдэн сая хүнээс юунд нь айна вэ. Харин олон арван террорист орогнож байгаа Сири улсыг, эднийгээ өөрийн нь улс руу илгээчих вий гэж айлгүйгээр дэмжих ёстой” гэж Сирийн ерөнхийлөгч мэдэгджээ. Сирид иргэний дайн 2011 онд эхэлснээр олон хүн эх орноосоо дүрвэж өөр улс орон ялангуяа Туркийг зорьсон юм. AFP хэвлэлийн мэдээлснээр энэ хугацаанд сирийн 3.5 сая хүн эх орноосоо дүрвэжээ. Улс орнууд тэднийг “түр хамгаалалтад” л авсан болохоос биш дүрвэгчийн албан ёсны статус олгохгүй байгаа юм. Тэгэхээр дүрвэж очсон сиричүүд оршин суух зөвшөөрөл өгсөн тэр муж, хотод нь л амьдрахаас биш өөр газар нүүн шилжиж чадахгүй цөөн хоногоор л өөр хотод зорчих эрхтэй байсаар байгаа юм