Дэлхий дахины мах үйлдвэрлэл 2019 онд буурах хандлагатай байна гэж НҮБ-ын Хүнс Хөдөө аж ахуйн байгууллага арваннэгдүгээр сарын 7-нд албан ёсны сайтдаа нийтэлсэн илтгэлдээ дурджээ. Тус байгууллагын “Хүнсний төлөв” илтгэлд дэлхий даяар үхэр, гахай, хонь, шувууны мах 335 сая тонныг бэлтгэхээр байгаа нь өнгөрөгч 2018 оныхоос нэг хувь буурах үзүүлэлт гэнэ. Энэ бол сүүлийн 20 жилд анх удаагаа тохиож байгаа үзүүлэлт юм байна. Дэлхийн нийт гахайн махны тал хувийг үйлдвэрлэгч Хятадад гахайн махны үйлдвэрлэл африкийн тахлаас болоод 20 хувь буурсан байна. Гэхдээ дэлхий даяар шувуу, хонь, үхрийн мах бэлтгэл өсөх хандлагатай байгаа дотор хятадын шувууны мах бэлтгэл өмнөх оноос 17 хувь өсөх юм байна. Дэлхий дахины нийт бэлтгэсэн махны 39 хувийг шувууны мах, 21 хувийг үхэр, тугалын мах, 36 хувийг гахайн мах, дөрвөн хувийг хонины мах эзэлж байгаа гэнэ.