Германы парламент Бундестагт “Германы өөр хувилбар” намаас сонгогдсон депутат Антон Фризер Оросын эсрэг хориг тавьснаар немцийн аж ахуй эрхлэгчдэд учирсан сөрөг үр дагаврын тухай ярьсан байна. Түүнийхээр бол Оросын эсрэг хязгаарлалтын арга хэмжээ авсан нь Германы зарим аж ахуй эрхлэгчдийг дампууруулахад хүргэсэн гэнэ. Ялангуяа энэ хориг нь Зүүн Германы эдийн засагт хүчтэй цохилт болсон гэжээ. Оростой нягт хамтран ажилладаг Германы олон компани, аж ахуй эрхлэгч үйл ажиллагаагаа зогсооход хүрсэн гэж тэр онцолжээ. Энэ бүхнээс үүдээд Германы намуудын олонх нь Оросын эсрэг хоригийг өөрчлөхийн төлөө байгаа гэсэн байна. “Хэрэв зүүн хэсгийнхнийг сонсох юм бол, зүүн германы ашиг сонирхлыг тооцвол Оростой харилцах харилцаагаа өөрчлөх болсон” гэж депутат хэлжээ.
Украины хямралаас үүдээд АНУ болон Европын холбооны орнууд 2014 оноос эхлэн Оросын эсрэг хориг тавьж эхэлсэн юм. Москва ч хариуд нь эдгээр орноос бараа бүтээгдэхүүн импортлохоо хязгаарласан. Энэ хориг нь ОХУ-ын хөгжлийг сааруулах оролдлого хэмээн ОХУ-ын Ерөнхийлөгч Владимир Путин нэг бус удаа мэдэгдэж байсан юм. Хориг тавих бодлого нь “юун түрүү үүнийг санаачлагчдад” нөлөөлнө гэж Путин хэлсэн юм.