АНУ-ын Төлөөлөгчдийн танхимын тагнуулын хороо Ерөнхийлөгч Дональд Трампыг эгүүлэн татах үйл явцын хүрээнд анхны нээлттэй сонсгол эхлүүлсэн байна.
Энд эхлээд АНУ-аас Украинд суугаа Элчин сайдын үүрэг гүйцэтгэгч Билл Тейлор, АНУ-ын Төрийн нарийн бичгийн даргын туслах Жорж Кент нар тайлбар өгчээ. Хуралдааны танхимд хэдэн арван сэтгүүлч, гэрэл зурагчин, телевизийн сурвалжлагч ирснээс гадна сонсголыг онлайнаар бол америкийн телевизийн гол гол суваг шууд дамжуулсан байна.
Үүний өмнө америкийн бүгд найрамдах намынхан ардчилсан намынхныг нууцаар мөрдөн шалгаж байна гэж буруутгаж байсан болохоор ардчилсан намаас сонгогдсон конгрессын гишүүд эгүүлэн татах үйл явц болон мөрдөн шалгах ажиллагааны талаар санал хурааж олонхын саналаар тогтоол баталсан юм байна. Үүний өмнө АНУ-ын өнөөдөр ажлаа хийж байгаа болон өмнө нь ажиллаж байсан албан тушаалтнууд мэдүүлгээ нууцаар өгч байсан юм. Гэхдээ энд хэд хэдэн гэрч, олон нийтийн төлөөлөл байлцдаг тэд нь хэвлэл мэдээллийн хэрэгслүүдэд нийтэлчихдэг байжээ. Ялангуяа Билл Тейлорын тайлбар нь Дональд Трампын хувьд хамгийн хүнд цохилт болно гэж ардчилагчид үзэж байна. Түүнийхээр бол Европын холбоонд суугаа АНУ-ын Элчин сайд Гордон Сондленд “Д.Трамп нь Украины ерөнхийлөгч Владимир Зеленскийг 2016 оны сонгуульд Украин хөндлөнгөөс оролцсон байж магадгүй, мөн Burisma компанийн хэргийг мөрдөн шалгана гэж хэлүүлэхийг хүссэн” гэж хэлсэн гэнэ. Энэ нь америкаас украинд цэргийн тусламж үзүүлэх болзол болох ёстой байжээ.
Тейлорын тайлбарыг хүлээн зөвшөөрвөл АНУ нь Украинтай харилцах харилцаагаа “албан бус” байдлаар “тохиолдлын чанартай” явуулж байсан болох нь. Энэ бүхний гол этгээд нь Д.Трампын хувийн өмгөөлөгч Руди Жулиани болж таарч байна. Харин АНУ-ын Засаг захиргааны нэг ч албан тушаалтан үүнд оролцоогүй гэжээ.

Дональд Трамп 2020 оны сонгуулийн гол өрсөлдөгч, дэд ерөнхийлөгч асан Жо Байданы эсрэг мөрдөн шалгах ажиллагаа явцуулах зорилгоор Украины Ерөнхийлөгч Владимир Зеленскийд дарамт шахалт үзүүлсэн байж болзошгүй хэмээн америкийн Ардчилсан намынхан түүнийг эгүүлэн татан үйл явцыг эхлүүлсэн юм.
Ерөнхийлөгч Дональд Трамп ч өөрөө украины эрх баригчдыг авлигатай тэмцэхийг уриалсан, ингэх бүрэн эрх надад бий гэж мэдэгдээд байгаа. Жо Байданы хүү нь украины эрчим хүчний Burisma компанийн захирлуудын зөвлөлд ажилладаг болохоор том Байдений нөлөөллөөр Burisma компанийн эсрэг мөрдөн шалгах ажлыг зогсоож, украины ерөнхий прокурор Виктор Шокиныг ажлаас халсан гэж Д.Трамп таамаглаад байгаа юм байна.
Харин Ардчилсан намынхан болохоор үүнийг батлах баримт байхгүй ч Д.Трамд улс төрийн өрсөлдөгчөө унагаахын тулд гадаадын тусламж авахыг оролдсон гэж буруутгаж байгаа юм.