Тель-Авиваастун холгүй хэдхээн миллийн зайд “оросын усан доогуур шумбагч” байна гэж израилын хэвлэл мэдээллийн хэрэгслүүд бичсээр байна. “Оросын усан доогуур шумбагч ойролцоогоор гурван сарын өмнө энд байхыг израилын пуужинт хөлөг илрүүлсэн юм гэж Ynet хэвлэл мэдээлсэн байна. Энд оросын тэнгисийн цэргийн флотын усан доогуур шумбагч хөлөг “Израилын газар нутгийн гүнд нэвтрэн орж ирлээ” гээд Тель-Авив болон Гуш-Даны районд эргээс ердөө 15 км газарт орсон гэжээ.
Үүний дараа израилын хэвлэлүүд “энэ бол алдаа биш харин тагнуулын зорилгоор ингэж ойртож байна” гэж бичиж эхэлсэн юм. Улмаар хэвлэл мэдээллийн хэрэгслүүд “оросын усан доогуур шумбагч хөлөг израилын газар нутгийн усан хилд ажиллаж байгаа хүчний талаар болон байгалийн хийн ордын талаар мэдээлэл цуглуулж байна” хэмээн бичиж байна. Мөн “оросын усан доогуур шумбагч усны гүнд байрлаж байна” гэжээ.
Гэхдээ израилын хэвлэлүүд гадаад орны байгалийн хийн ордыг судлахын тулд тэнгисийн цэргийн флотын усан доогуур шумбагч ашиглаж байсан тухай огт бичихгүй байгаа юм. Тэгээд ч израилын усан хилд байгаа тэнгисийн цэргийн хүчний тухай мэдээлэл нь тэртэй тэргүй нээлттэй эх сурвалжуудад, тэр бүү хэл тэдний хэвлэлүүдэд ил тод байгаа болохоор заавал усан доогуур шумбагч ашиглаж байна гэх нь утгагүй юм. Израилын хэвлэлүүд бас өөрийн тэнгисийн цэргийн хүчний пуужинт хөнгөн хөлөг дээр “усан доогуур шумбагч хөлөг илрүүлэх” тусгай төхөөрөмж байгаа хэмээн онцолж байна. Израилын хэвлэлүүдэд гарч байгаа эдгээр мэдээллийн талаар ОХУ-ын Батлан хамгаалах яам ямар нэг тайлбар хийгээгүй байна.