Хонконгт болж байгаа эсэргүүцлийн хөдөлгөөн эмх замбараагүй байдал болж хувирснаас үүдэн хүүхдүүдийг энэ хууль бус үйл ажиллагаанд оролцуулахгүйн тулд сургууль цэцэрлэгийг хаалаа гэж хонконгийн засгийн газрын Боловсролын газар лхагва гарагт мэдэгдсэн байна. Эсэргүүцлийн хөдөлгөөний шинэ давлагаа энэ долоо хоногийн эхээр улам хүчтэй эхэлж жагсагчид цагдаагийнхантай мөргөлдөн, хууль сахиулагчид галт зэвсэг хэрэглэсний улмаас хүмүүс шархадсан юм. Жагсагчдын ихэнх нь оюутнууд хонконгийн ажил хэргийн бүс дэх автозамыг хогийн саваар хааж, метроны хөдөлгөөнийг саатуулж байгаа бол цагдаагийнхан тэдний эсрэг нулимс асгаруулагч хий, хаймар сум ашиглаж байна.
Хятадын тусгай автономит муж Хонконгод эхлээд бараг хагас жил болж байгаа энэ эсэргүүцлийн хөдөлгөөний зохион байгуулагчид шинэ арга тактикт шилжиж байгаагаа зарласан нь олон мянган хүний жагсаалаас гадна цөөн хүнтэй хэсэг бүлгээрээ авто замыг хаах аргад шилжиж байгаа юм байна.