Хонконгийн эсэгүүцлийн хөдөлгөөнийхөн цагдаагийнхантай мөргөлдсөний улмаас хонконгийн Политехникийн их сургуульд түймэр гарсан байна. Үүний өмнө жагсагчдын хэт даврагсад их сургуулийг метроны өртөөтэй холбодог гүүрийг шатаасан юм. Сургуулийн байрыг хэдэн хоногийн турш эзлээд байгаа жагсагчидтай удаан хугацаагаар мөргөлдсөний дараа цагдаагийнхан тус сургуулийн хичээлийн байр луу даваа гаргийн өглөө арайхийн нэвтрэн орсон байна. Эсэргүүцлийн хөдөлгөөнийхөн хууль сахиулагчдын өөдөөс шатаагч шингэнтэй лонх шидэлсний улмаас түймэр гарчээ. Одоогоор хичээлийн байрыг хаагаад байна. Гэмтэж бэртсэн хүмүүсийн талаар мэдээлээгүй ч хэд хэдэн хүнийг баривчлан саатуулсан гэсэн байна.
Сүүлийн өдрүүдэд Хонконгод нөхцөл байдал нэлээд хурцдаж жагсагчид цагдаагийнхантай мөргөлдөхийн зэрэгцээ их сургуулиудын байрыг эзлэн аваад байгаа юм. Хууль сахиулагчид 3600 орчим хүнийг баривчлан саатуулаад байгаа бол 1500 орчим хүн бэртэж гэмтэн эмнэлэгт хандаад байна.
Бүр зургадугаар сард Хонконгийн эрх баригчид гэмт хэрэгтэн, сэжигтнийг эх газрыг хятадад шилжүүлэн өгөх хуулийн төсөл парламентаар хэлэлцэнэ гэснээс болж үүнийг эсэргүүцэн иргэд гудамжинд гаран жагссан бол аравдугаар сарын эхээр хуулийн төслийг эргүүлэн татаж хэлэлцэхийг больсон ч эсэргүүцлийн хөдөлгөөн намжихгүй харин ч бүр эмх замбараагүй байдал болон хувирч байна.